وہ کہتا ہے

وہ کہتا ہے . . .
بتاؤ بے سبب کیوں روٹھ جاتی ہو ؟
میں کہتی ہوں . . .
ذرا مجھ کو مناؤں . . . . اچھا لگتا ہے

وہ کہتا ہے
میرا دل تم سے آخر کیوں نہیں بھرتا ؟
میں کہتی ہوں . . .
محبت کی کوئی حد ہی نہی ہوتی . . .

وہ کہتا ہے . . .
بتاؤ . . . میں تمہیں کیوں بھا گیا اتنا ؟
میں کہتی ہوں . . .
میری جان حادثے تو ہو ہی جاتے ہیں !

وہ کہتا ہے . . .
اچانک میں تمہیں یوں ہی رلا دوں تو ؟
میں کہتی ہوں . . .
مجھے ڈر ہے کے تو بھی بھیگ جائے گا . . .

وہ کہتا ہے . . .
بتاؤ . . بارشوں کی کیا حقیقت ہے ؟
میں کہتی ہوں . . .
کے یہ تو بادلوں کی آنکھ روتی ہے . . .

وہ کہتا ہے . . .
تمھارے خواب سارے کیوں ادھورے ہیں ؟
میں کہتی ہوں . . .
میری جان تم انہیں تکمیل دے دو نا . . .

وہ کہتا ہے . . .
بتاؤ . . چوڑیاں کیسی لگیں تم کو ؟
میں کہتی ہوں . . .
مجھے یہ ٹوٹ کر تکلیف دیتی ہیں . . .

وہ کہتا ہے . . .
کروں جب فون سننے کیوں نہی آتی ؟
میں کہتی ہوں . . .
تیری آواز ، سن ، کے ضبط روتا ہے . . .

وہ کہتا ہے . . .
کے اتنی بے یقینی کس لیے آخر ؟
میں کہتی ہوں . . .
کے اتنی بے یقینی ، سکھ میں رکھتی ہے . . .

وہ کہتا ہے . . .
اداسی پر کبھی کچھ لکھ کے دکھلا دو . . .
میں کہتی ہوں . . .
میرے آگے کرو شیشہ . . . میں لکھتی ہوں . . . ! ! !