ھونٹوں پہ کبھی ان کے

ھونٹوں پہ کبھی ان کے میرا نام ھی آئے
آئے تو سہی، بر سرِ الزام ھی آئے
حیران ھیں، لب بستہ ھیں، دلگیر نیں غنچے
خوشبو کی زَبانی، تیرا پیغام ھی آئے
لمحاتِ مسرت ھیں تصور سے گریزاں
یاد آئے ھیں جب بھی غم و آلام ھی آئے
تاروں سے سجا لیں گے، راہِ شہرِ تمنا
مقدور نہیں صبح، چلو شام ھی آئے
یادوں کے، وفاؤں کے، عقیدوں کے، غموں کے
کام آئے جو دنیا میں تو اصنام ھی آئے
کیا راہ بدلنے کا گلہ ھمسفروں سے
جس راہ سے چلے تیرے در و بام ھی آئے
تھک ھار کے بیٹھے ھیں سرِ کُوئے تمنا
کام آئے تو پھر جذبۂِ ناکام ھی آئے
باقی نہ رھے ساکھ، ادا دشتِ جنوں کی
دل میں اگر اندیشۂِ انجام ھی آئے