حیرت انگیز دعوی?

گیند یا کبوتر کو ہوا میں غائب کرنا تو شعبہ بازوں کے لیے عام سی بات ہے مگر ایک بھارتی جادوگر بی سی سریئر نے یہ دعویٰ کیا کہ وہ ٹرین کو دن کی روشنی میں غائب کرنے والا ہے خبر ایجنسی یو، این، آئی کے مطابق سریئر نے اعلان کیا ہے کہ وہ آئندہ جولائی میں مغربی مہاراشٹر میں ٹرین کو دن کی روشنی میں غائب کرنے کا ناقابلِ یقین کارنامہ سرانجام دے گا۔ شو کے لئے بڑے پیمانے پر تیاریاں جاری ہیں جس میں غیر ملکی سفارت کاروں اور بین لاقوامی ذرائع ابلاغ کے نمائندوں کو بھی مدعو کیا جائے گا اس شو پر تقریباً 12 لاکھ روپے خرچ ہوں گے جس کا مقصد دنیا کو یہ دکھانا ہے کہ بھارت نے سائنس اور ٹیکنالوجی کے ساتھ ساتھ جادو کے قدیم فن میں بھی کافی ترقی کرلی ہے۔