ملکہ الزیبتھ کا مہمانوں کےاعزاز میں استقبالیہ

لندن : ملکہ برطانیہ نے اپنے پوتے شہزادہ ولیم کی شادی کی خوشی میں دنیا بھر سے آئے ہوئے سربراہان مملکت و حکومت اور معززین کے اعزاز میں عشائیہ دیا۔ اس سے پہلے شادی میں شرکت کیلیے دنیا بھر سے مدعو مہمان لندن پہنچ گئے،۔



عشائیہ کا اہتمام لندن میں واقع عالمی شہرت یافتہ مینڈیرین اورینٹل ہوٹل میں کیا گیا تھا جس میں انیس سو مہمانوں مدعو تھے۔ مدعوین کی فہرست میں پہلا نام برطانوی ولی عہد شہزادہ چارلس اور ان کی اہلیہ کا تھا۔ اس کے علاوہ شاہی خاندان کے دیگر افراد میں شہزادہ انڈریو ، شہزادہ ایڈورڈ اور شہزادی این نے بھی عشائیہ میں شرکت کی۔



اس سے پہلے شادی میں شرکت کے لیے آسٹریلیا اور نیوزی لینڈ کے وزرائے اعظم آج لندن پہنچے جہاں برطانوی ولی عہد شہزادہ چارلس نے ان کا استقبال کیا۔ شادی میں شرکت کی غرض سے ساڑھے چھ سو سے زائد مہمان لندن پہنچ چکے ہیں جہاں وہ شاہی خاندن کے مہمان کی حیثیت سے تقریب میں شرکت کریں گے۔