گوشت خورافراد کا وزن تیزی سے بڑھتا ہے ، تحقیق

لندن : گوشت خور افراد کے لیے ایک اہم خبر ہے۔ زیادہ گوشت کھانا مضرِ صحت ہے اورکئی بیماریوں کا سبب بنتا ہے۔ اور عام افراد کی نسبت ان کا وزن دوگنی رفتار سے بڑھنے لگتا ہے۔



لندن کے امپیریل کالج میں ہونے والی ایک تحقیق سے معلوم ہوا ہے کہ روزانہ گوشت کھانے والے افراد ایک دن میں اوسطاآدھا کلو گوشت کھاتے ہیں جس سے وہ روزانہ ساڑھے چار سو کیلوریز حاصل کرتے ہیں۔ گوشت کے استعمال کے اس تناسب کی وجہ سے ان کے وزن میں تیزی سے اضافہ ہونے لگتا ہے۔



امریکن جرنل آف نیوٹریشن میں شائع ہونے والی اس تحقیق میں چار لاکھ افراد کو شامل کیا گیا ہے۔محققین کا کہنا ہے کہ گوشت کے استعمال کو کم سے کم رکھنا چاہیے تا کہ دل کی بیماروں، بلڈ پریشر اور کولیسٹرول اور دوسری مہلک بیماریوں سے بچا جا سکے ۔