Das laakh say zayed Amrici aids k mareez hain

America mein aids virus say mutasirah afraad ki tadaad das laakh say zyada hogayi hai Amrici tehqeeqi idaray ki report k mutabiq mutasirah afraad mein say bees feesad apni bemari say bay khabar hain.

idaray k aids programme k sarbarah doctor Michael a Colber k mutabiq tees saal qabal aids ka pehla case manzar aam par anay k baad paanch laakh choranway say zayed Amrici iss bemari say halak ho chukay hain.

unhon ne kaha ke aids control karnay walay adwiyaat k baes mutasirah zyada arsay tak iss bemari ka muqaabla karnay k qabil hogaye hain taham mutasirah afraad ki tadaad mein izafah bohat pareeshaan kun hai.