چین میں سالانہ پتنگ میلہ ؛آسمان رنگ برنگی پتنگوں سے سج گیا

بیجنگ .......چین میںسالانہ پتنگ بازی کے میلے کا انعقاد کیا گیا جن سے آسمان رنگ برنگی پتنگوں سے سج گیا ۔

چینی صوبےسیچوآن(Sichuan)میں کئی روز تک جاری رہنے والے میلے میں ماہر پتنگ باز ٹیموں نے شرکت کی جبکہ اس موقع پرپارک میں رنگین پتنگیں اور ہالی ووڈ کرداروں کے ماڈلز بھی نصب کئے گئے ۔

صرف یہی نہیں بلکہ پتنگوں کے کئی اسٹالز بھی شائقین کیلئے لگائے گئے تھے جس میں رکھی نت نئے ڈیزائن کی دیوہیکل پتنگیں توجہ کا مرکز بنی رہیں۔

رنگا رنگ میلے میںسیکڑوں منفر اند از اور ڈیزائن کی پتنگیں آسمان پر رنگ بکھیرتی نظر آئیں جبکہ اس موقع پرمختلف ٹیموں کے درمیان پتنگ اڑانے کے مقابلے بھی منعقد کروائے گئے۔