Michael Jackson ki jacket nilami ke liye paish

جنگ نیوز -

Michael Jackson k zair e istimaal rehnay wali jacket nilami ke liye paish ki ja rahi hai. ghair mulki khabar agency k mutabiq aanjhani pop signer Michael Jackson k zair istemaal rehnay wali surkh aur siyah rang ki jacket nilami ke liye paish ki jaegi. Michael Jackson ne yeh jacket apni mashoor video thriller mein Zaib tan ki thi. yeh jacket beurli hills mein honay wali music ki aik numaish mein nilaam ki jaegi. yeh jacket in 600 ashya mein say aik hai jo julian auction gallery k zair ihtimaam nilaam ki jayen gi. iss jacket ki nilami 25, 26 June ko ki jaegi. Michael Jackson ki yeh jacket pop signer ke liye aik misaal ban gayi thi. iss jacket ki andar k hissay mein Michael Jackson k hath say likhi aik tehreer bhi hai. yeh jacket gaaye ki khaal say bunny hui hai.