بھارت:حیدرآباد میں روایتی ملبوسات کی نمائش

اے آر وائی - حیدرآباد : بھارتی شہر حیدرآباد میں حیدرآبادی روایتی ملبوسات کی نمائش ہوئی ۔فیشن ویک کے دوسرے دن شیروانی اور دیدہ زیب عروسی ملبوسات نے دھوم مچادی۔



حیدرآباد میں جاری فیشن ویک کی رنگینیاں ان دنوں عروج پر ہیں ۔جہاں پہلے دن تو مشرقی و مغربی ملبوسات کی نمائش سے خوب رونق ہوئی تو دوسرے دن بھی بھارت کے معروف ڈیزائنرز نےکمال کردکھایا اور حیدرآبادی روایتی ساڑھیاں اور شیروانیوں کا کلیکشن پیش کرکے خوب داد سمیٹی۔



فیشن شو کی خاص بات ملبوسات میں رنگوں کا خوبصورت استعمال تھا شیروانی میں سنہری اور براؤن رنگوں کے ساتھ روایتی انداز کی کڑھائی نے رونق بخشی تو دوسری طرف دیدہ زیب اسٹون ورک سے سجی ساڑھیوں نے فیشن شو میں چار چاند لگا دیئے۔ فیشن ویک میں پچاس سے زائد ڈیزائنرز اپنا کلیکشن پیش کریں گے۔