English county season mein Abdul Razzaq kay ballay ka jadu chal gaya

اے آر وائی -

Manchester : aalmi cup kay baad team say drop kiye janay walay Pakistani all rounder Abdul razzaq ne riwayati jarehana ining say english county season mein lesister shire ko kamyabi say hum kinar kara diya. manchester kay old treford cricket stadium mein khailay gaye county season kay twenty twenty match mein lanka shire ne pehlay batting kartay huay muqarara 20 overs mein aik so 62 runs banaye.



jawaab mein lesister shire ki ining ki ibteda kuch achi nah rahi. pandarween over mein sirf ninyanway runs par lesister shire kay chay khilari pavellion lout gaye. match mein lankashire ko apni fatah wazeh nazar aa rahi thi. ke tab he Pakistani all rounder ne apnay ballay ka jadu chalana shuru kya aur dekhte he dekhte match ki shaqal he badal daali. Abdul razzaq ne sirf tees gaindon par 62 runs banakar lesister shire ki wazeh shikast ko fatah mein tabdeel kardiya. Abdul razzaq 62 runs aur aik wicket kay saath match kay behtareen khilari bhi qarar paye.