امیتابھ بچن اچھے فنکار اور انسان ہیں، شاہ رخ خان

اے آر وائی - بالی وڈ کنگ شاہ رخ خان اور امیتابھ بچن کے درمیان الفاظ کی جنگ ماضی کا حصہ بن چکی۔ شاہ رخ خان کا کہنا ہے کہ امیتابھ بچن ایک شریف اور اچھے اداکارہیں۔

لگتا ہے کہ کنگ خان اب کسی محاذ آرائی کے موڈ میں نہیں ہیں جب ہی تو وہ ایسی باتیں بنا کر امیتابھ کی حمایت کرنے کی کوشش کر رہے ہیں ۔ امیتابھ بچن بڑھاپے میں بھی سرکار جیسے رول کرکے فلمی دنیا کو بتا چکے ہیں کہ ابھی ان کا سکہ کھوٹا نہیں ہوا ہے۔

اس صورتحال میں کنگ خان یہ اچھی طرح سمجھ ہی چکے ہیں کہ محاذ آرائی اچھی نہیں ہوتی۔ شاہ رخ خان نے ٹورنٹو میں آئیفا ایوارڈ کی تقریب کے موقع پر صحافیوں سے بات چیت کرتے ہوئے کہا کہ امیت جی نہ صرف اچھے فنکار ہیں بلکہ اپنے ساتھی فنکاروں کے ساتھ بھی اچھے ہیں۔