آئیفاایوارڈز،سلمان خان کی دبنگ چھ ایوارڈ جیت کربازی لے گئی

اے آر وائی - ممبئی : سلمان خان کی باکس آفس میں سپر ہٹ فلم دبنگ نے آئیفا ایوارڈ میں بھی میدان مار لیا اور چھ ایوارڈکے ساتھ ٹاپ آف لسٹ رہی۔



سلمان خان اس بار اپنی فلم چلر پارٹی کی شوٹنگ کی وجہ سے آئیفا ایوارڈ میں شریک تو نہ ہوسکے لیکن ان کی فلم نے چھ ایوارڈ جیت کر سب کو دانتوں میں انگلیاں دبانے پر مجبور کردیا۔



دبنگ میں سوناکشی سنہا نے فلمی دنیا میں قدم رکھا اورانہوں نے میدان مارلیا بہترین کردار نگاری پر ایوارڈ جیتا۔ بیسٹ پلے بیک سنگرممتاشرما کومنی بدنام ہوئی پر ایوارڈ ملا۔ بہترین میوزیک ڈائریکٹر کا ایوارڈ ساجد واجد نے دبنگ کے لئے حاصل کیا۔



بہترین اسکرین پلے کا ایوارڈبھی دبنگ ہی کے حصے میں آیا۔ مائی نیم از خان میں شاہ رخ خان نے بہترین کردار نگاری پر ایوارڈ جیتا جبکہ بہترین اسکرپٹ کا ایوارڈ بھی مائی نیم از خان کے ہی حصے میں آیا۔