ڈزنی کارٹون فلم کارزٹو باکس آفس پرفلموں کی ریس میں نمبر ون

اے آر وائی - لاس اینجلس : ناقدین کی طرف سے بدترین قرار دی گئی کارٹون فلم کارزٹو نے اڑسٹھ ملین ڈالرز کا بزنس کرلیا ہے اور تمام پیش گوئیاں غلط ثابت کردی ہیں۔



ڈزنی لینڈ کی جانب سے کارزٹو کی ریلیز کے بعد ناقدین نے فلم کی میکنگ پر سخت تنقید کرتے ہوئے کہاتھا کہ یہ فلم انتہائی برے انداز میں بنائی گئی ہے، جس کی اینی میشن کسی بھی طرح پرکشش نہیں ۔لیکن فلم کارزٹو ریلیز ہوتے ہی فلموں کی ریس میں نمبر ون پوزیشن پرآگئی۔ جاپان اور یورپ میں فلم نے بیالیس ملین ڈالر کا بزنس کیا۔ اس کے بعد تو اس نے امریکہ میں کیمرون ڈیاز کی فلم بیڈٹیچر تک کو پیچھے چھوڑدیا۔