لاہور : فلم سالا ، سورا تے جوائی کا فوٹوسیٹ

اے آر وائی - لاہور : روان سال کی چوتھی پاکستانی فلم سالا سورا تے جوائی کے فوٹو سیٹ کی تقریب لاہور کے شبستان سینیما میں منعقد ہوئی، جس میں اہم فلمی شخصیات نے شرکت کی۔



تھیٹر اور فلم کے فنکاروں پر مبنی پنجابی فلم سالا سورا تے جوائی کے فوٹو سیٹ کی تقریب میں ہدایتکار سید نور، معمررانا، ناصر چنیوٹی، ہدایتکار مسعود بٹ، رشید ڈوگر اور عمران حسینی کے علاوہ تکنیکاروں اور مزدوروں نے بھی شرکت کی۔ یکم جولائی کو ملک بھر میں ریلیز ہونے والی فلم سالا سورا تے جوائی کی کاسٹ اداکارہ صائمہ کے علاوہ تھیٹر کے کامیڈینز پر مشتمل ہے۔



مصنف واجد ذبیری اور ہدایتکار رشید ڈوگر کی اس فلم کی کاسٹ میں ناصر چنیوٹی، سردار کمال، ظفری خاں، خوشبو، اور شاہد خاں شامل ہیں جبکہ فلم کے تمام گیت گلوکارہ نصیبو لعل کی آواز میں ریکارڈ کیے گئے ہیں۔ فوٹو سیٹ تقریب کے شرکاء کاکہنا تھا کہ گھٹن کے اس ماحول میں سالا سورا تے جوائی فلم بینوں کو معیاری تفریح مہیا کرے گی