بالی ووڈ فلم دھمال کا4روز میں ساڑھے انتالیس کروڑ کا بزنس

اے آر وائی - ممبئی : بالی ووڈفلم ڈبل دھمال نے ریلیز کے چار روز میں ہی ساڑھے انتالیس کروڑ کا بزنس کرکے باکس آفس پردھمال مچادی ہے۔



چار نکمے دوست جو ہر وقت کسی طرح دولت مند بننے کے خواب دیکھتے ہیں لیکن ہر بار قسمت ان کے ساتھ ایسا چکر کر دیتی ہے کہ وہ چکراکے رہ جاتے ہیں۔ پھر ان کی ملاقات ہوتی ہے انسپیکٹر کبیر سے جو حلئے سے تو کافی امیر کبیر لگتاہے لیکن اسے بھی تلاش ہے خزانے کی ۔ان چاروں دوستوں کو انسپیکٹر کبیر جتنا برالگتا ہے ان کی بیوی اور بیوی کی دوست اتنی ہی پیاری لگتی ہیں۔



اس بات سے کبیر یعنی سنجے دت خوب فائدہ اٹھاتے ہیں۔دولتمند بننے کے شارٹ کٹ میں یہ کیا کیا دھمال مچاتے ہیں یہ تو فلم دیکھنے کے بعد ہی آپ کو پتا چلے گا۔فلم ڈبل دھمال چوبیس جون کو ایچ کے سی اینٹرٹینمنٹ کے بینر تلے ریلیز کی جاچکی ہے جبکہ اس کے میڈیا پارٹنر اے آروائی ڈیجیٹل ہیں۔