منیشا لامبا فلم ضلع غازی آباد میں نظر آئیں گی

اے آر وائی - ممبئی : بولی ووڈ اداکارہ منشیا لامبا اب جلوہ گر ہونے جارہی ہیں فلم ضلع غازی آباد میں سنجے دت اور وویک اوبرائے کے ساتھ۔



ہمیش ریشمیا کی ویڈیو میں کام کرکے شہرت پانے والی اداکارہ اور ماڈل منیشا نے فلم ضلع غازی آباد کے معاہدے پر سائن کردیے ہیں۔ منیشالامبا کا کہنا ہے کہ وہ اس فلم میں سنجے اور وویک کے ساتھ کام کرنے کا موقع ملنے پر بہت پرجوش ہیں ۔



فلم کی کہانی بھارتی ریاست اترپردیش کے بلند شہر کے ایک ضلعے غازی آباد سے متعلق ہے۔ سنجے دت فلم میں ایک زمیندار جبکہ وویک اوبرائے گینگسٹر کا کردار ادا کررہے ہیں۔ اتنے منجھے ہوئے اداکاروں کے ساتھ کام کرکے منشیا یقینی طور پر بہت سی باریکیاں سیکھ سکیں گی۔