آسکر پاکستان پہنچ گیا۔ شرمین کا واپسی پر شاندار استقبال

اے آر وائی - آسکر کی چوراسی سالہ تاریخ میں پاکستان کا نام درج کرانے والا ستارہ شرمین چنائے امریکاسے وطن واپس پہنچ گیا ہے۔پاکستانی فلم ساز شرمین عبید چنائے کی فلم ”سیونگ فیس“ نے ڈاکیومینٹری میں آسکر ایوارڈ اپنے نام کر کے آسکر کی تاریخ میں پاکستان کا نام درج کرایا۔



شرمین عبید نے ہدایتکار ڈینیئل جنگ کے ساتھ مل کر تیار فلم تیار کی ہے جسے رواں ماہ ریلیز کیاجارہا ہے۔ شرمین عبید چنائے کا کراچی ایئرپورٹ پر شاندار استقبال کیاگیا۔ اے آروائی نیوز سے گفتگو کرتے ہوئے شرمین عبید چنائے نے کہا کہ آسکر پاکستان پہنچ گیا ہے اور پوری قوم کو مبارکباد پیش کرتی ہوں اور پاکستان پہنچنے پر بہت اچھا لگ رہا ہے۔ آج پریس کانفرنس میں میڈیا کو امریکا میں تمام تقریبات سے آگاہ کروں گی۔۔