لاہور:گلوکار حبیب علی نے سماں باندھ دیا

جیو نیوز - لاہور ... لاہور میں کلاسیکی گائیکی کی فروغ کیلئے محفل موسیقی سجائی گئی جس میں غزل گائیک حبیب علی نے گیت ٹھمریاں اور غزلیں پیش کیں،پنجاب انسٹیٹیوٹ آف لینگوئج آرٹ اینڈ کلچر میں سجی اس محفل کا آغاز کلاسیکی گائیکی سے ہوا جس کے بعد حبیب علی نے سماں باندھ دیا۔خاص طور پر استاد بڑے غلام علی خان کی ٹھمری مہارت سے گا کر شائقین سے داد وصول کی ۔ حاضرین کا کہناتھاکہ مشرقی موسیقی کے فروغ کیلئے ایسی محفلیں باقاعدگی سے منعقد کی جانی چاہئیں۔