دیا بالن کی شاہ رخ خان کے ساتھ رومانس کی شدید خواہش

جیو نیوز - ممبئی…ڈرٹی پکچر اور کہانی کی کامیابیوں کے بعد بالی وڈ میں فی میل خان اور بلاک بسٹر کوئین کے ٹائٹل حاصل کرنے والی ودیا بالن کی شدید خواہش شاہ رخ خان کے ساتھ رومینس کرنا ہے۔بالی وڈ میں عورتوں کے لیے کامیاب لیڈ رولز کے ساتھ کامیاب فلمیں دینا ودیا بالن کی پہچان بن گیا ہے لیکن اس بڑی پہچان کے ساتھ ودیا بالن کی کچھ معصوم خواہشات بھی ہیں، ودیا بالن کہتی ہیں کہ بالی وڈ میگا اسٹار شاہ رخ خان الٹی میٹ رومینٹک ہیرو ہیں اور ان کی شدید خواہش ہے کہ وہ شاہ رخ خان کے ساتھ رومینٹک فلم میں ان کی ہیروئین بنیں ، ودیا بالن کی وش لسٹ میں رتیک روشن اور بنگالی ایکٹر پروسن جیت چٹرجی بھی شامل ہیں ،ودیا بالن کا کہنا ہے کہ اچھے اداکار اور ڈائریکٹر کے ساتھ کام کرنے کے معاملے میں وہ بہت زیادہ لالچی ہیں۔