چھنو بوائے علی ظفر32 برس کے ہوگئے

جیو نیوز - کراچی…پاکستان اور بھارت میں یکساں مقبول گلوکار اداکار علی ظفر بتیس برس کے ہوگئے ہیں۔پاکستان میں گلوکاری کے لئے شہرت اور بالی وڈ میں بطور اداکار مقبولیت حاصل کرنے والے فائین آرٹ گریجوایٹ نے ویسے تو اپنے فنی کرئیر کا آغاز بطور پوٹریٹ پینٹر اور ماڈل/ایکٹر کیاتھا،تاہم فلمی پلے بیک سنگنگ سے گلوکاری کی میدان میں قدم رکھنے کے بعد اُن کی پہلی البم کا یہ پہلاہی سنگل ناصرف سوپر ہٹ ثابت ہوا بلکہ پاکستان بھر میں ان کی پہچان بن گیا۔تین میوزک البمز اور رنگین اور چل دل میرے جیسے کئی اور سوپرہٹ سنگلز کے بعد پاکستانی پرنس آف پاپ نے کچھ برس قبل ہی بالی ووڈ کا رخ کیا۔ابھیشیک شرما کی کامیڈی فلم میں آف بیٹ مرکزی کردار سے راتوں رات اُبھرتے فلمسٹار کا درجہ اور کئی فلمی آفرز حاصل کرنے والے پاکستانی گلوکار/موسیقار نے اپنے دو سالہ فلمی کرئیرمیں یش راج جیسے بالی ووڈ کے بڑے بینرز کے لئے کام کر چکے ہیں اور اپنی تیسری فلم سے ممبئی فلم نگری میں خود کو بطور کمپوز بھی منوا چکے ہیں۔حقہ پانی سے تیسری البم جھوم تک ملکی میوزک سین کے کئی ایوراڈز اپنے نام کرنے والے پاکستانی پاپ سٹار بالی ووڈ میں اپنی شاندار اداکاری کی بدولت سٹار ڈسٹ سوپرسٹار آف ٹومارو اور داد صاحب پھالکے اکیڈمی ایوارڈ جیسے بھارتی اعزازت سے بھی نوازے جاچکے ہیں۔