دوستی ہو تو ایسی، سنجے دت نے شرمن جوشی کو فلم کی تشہیر کیلئے اپنی فراری تھمادی

جیو نیوز - ممبئی …این جی ٹی…بالی ووڈ فلم انڈسٹری میں دوستی اور دشمنی بہت معنی رکھتے ہی کیونکہ جہاں اداکاروں کے درمیان اچھی دوستی ان کے فلمی کیرئیر کیلئے بہترین ثابت ہوتی ہے وہیں یہی دُشمنی پورے کیریئر کا ستیانا کردیتی ہے۔ایسا ہی دوستی کا نظارہ آج کل بالی ووڈ کے مُنا بھائی سنجے دت اور تھری ایڈیٹس کے اداکار شرمن جوشی کے درمیان دیکھنے کو مل رہاہے۔شرمن جوشی پہلی بار بطور سولو ہیرو فلمساز و ہدایتکار ودھو ونود چوپڑا کی فلم"فراری کی سواری"میں جلوہ گر ہوررہے ہیں جس کی شوٹنگ مکمل ہونے کے بعدفلم کی تشہیری مہم کا آغاز کردیا گیاہے۔اس موقع پر فلم میں فراری گاڑی کی اہمیت کو مدِنظر رکھتے ہوئے شرمن کے بہترین دوست اداکار سنجے دت نے فلم کی تشہیرکے لیے اپنی5کروڑ روپے مالیت کی فراری شرمن جوشی کو استعمال کے لیے دے دی ہے۔سنجے دت جوفلمساز و ہدایتکار ودھو ونود چوپڑاکے قریبی دوست ہیں اُنہی کے توسط سے شرمن کے دوست بنے ہیں لہٰذا دونوں ہی دوستوں کی ضرورت اور گاڑی کی اہمیت کو جانتے ہوئے ناصرف انہوں نے اپنی گاڑی انہیں ہر پروموشن ایونٹ پر استعمال کرنے کی اجازت دی ہے بلکہ شرمن کو گاڑی چلانے کی باقاعدہ تربیت بھی دی ہے۔