امریکی پاپ اسٹارلیڈی گاگا کنسرٹ کیلئے منیلا پہنچ گئیں

جیو نیوز - منیلا ... امریکی پاپ سنگر لیڈی گاگا کنسرٹ کیلئے منیلا پہنچ گئیں۔مداحوں نے شانداراستقبال کیاتوقدامت پسند عیسائیوں نے احتجاج کیا۔لیڈی گاگا تائی پے سے نجی طیارے کے ذریعے دورروزہ کنسرٹ ٹورپرمنیلا پہنچیں تو ان کے مداحوں نے پرتپاک استقبال کیا۔ امریکی پاپ اسٹار بلیک لیدرجیکٹ پہنے جب مقامی ہوٹل کے باہرگاڑی سے اتریں توان کے پرستاروں نے انھیں گھیرلیا۔لیڈی گاگا نے مداحوں کوآٹوگراف بھی دیے۔دوسری جانب قدامت پسند عیسائیوں نے لیڈی گاگا کی منیلا آمدپر اس ہوٹل کے باہر احتجاج کیا جہاں وہ ٹھہری ہیں۔مظاہرین نے اجتماعی دعا کی۔ان کاکہنا ہے کہ لیڈی گاگا چڑیلوں سے متاثر ہیں ان کے گیت ،انداز،لباس اورپیشکش سب کچھ عیسائیت کے خلاف ہے۔