فلم عشق زادے کا پہلے ہی ہفتے باکس آفس پر26کروڑکا بزنس

جیو نیوز - ممبئی …یش راج فلمز کے بینر تلے بننے والی رومانٹک فلم عشق زادے نے ریلیز کے پہلے ہی ہفتے باکس آفس پر 25.73کروڑ کا بزنس کرلیا۔گذشتہ ہفتے ریلیز ہونے والی فلم عشق زادے ہفتے بھر میں25کروڑ سے زائد کابزنس کرکے کرشمہ کپور کی کم بیک فلم ڈینجرس عشق اور عمران ہاشمی کی جنت 2کو پیچھے چھوڑتے ہوئے رواں ہفتے کی ہٹ فلم قرار پائی ہے۔رائٹر وہدایتکار حبیب فیصل کی اس رومانوی فلم میں مرکزی کردار بونی کپور کے بیٹے ارجن کپور اور بولی ووڈ اداکارہ پریانکا چوپڑا کی کزن پری نیتی چوپڑا نے ادا کئے ہیں۔واضح رہے کہ پری نیتی اس سے قبل رنویر سنگھ کیساتھ Ladies vs Ricky Bahlنامی فلم میں بھی اہم کردار ادا کرچکی ہیں جبکہ ارجن کپور کی یہ پہلی فلم ہے جو ان دونوں کے ہی فلمی کیریئر کومثبت آغاز فراہم کیا ہے۔