ڈولی بندرہ وینا ملک کیخلاف بیانات دیتے بھارت روانہ

جیو نیوز - لاہور ... بالی وڈ کی معروف اداکارہ ڈولی بندرہ وینا ملک کیخلاف تندوتیز جملوں کی بوچھاڑ کرتے ہوئے بھارت واپس چلی گئیں۔ بھارت روانگی سے قبل لاہور ائر پورٹ پر میڈیا سے گفتگو کرتے ہوئے ڈولی بندرا نے وینا ملک کے خلاف ازخود بات کرتے ہوئے کہا کہ ابھی توشروعات ہے آگے آگے دیکھیے ہوتا ہے کیا پاکستان میرا ملک ہے یہاں آتی جاتی رہوں گی یہاں کے لوگوں کا پیارکبھی بھلا نہیں پاوٴں گی۔ وہ وینا ملک کے حوالے سے شدید غصے میں دکھائی دے رہی تھیں اور ان کا کہنا تھا کہ وہ ہندوستان سے وینا کو نکالنے کیلئے واپس جارہی ہیں کیونکہ وینا ملک پورے تالاب کو گندہ کر رہی ہے ڈولی بندرہ نے کہا کہ لاہور کی سیر کر کے بہت مزہ آیا جی بھر کر شاپنگ کرنے کے علاوہ لاہوری کھانوں سے بھی محظوظ ہوئی ڈولی بندرا نے کہا کہ جلد بھارتی وزیر اعظم منموہن سنگھ بھی پاکستان آرہے ہیں۔