فلم’تیری میری کہانی‘کے نئے گانے’جب سے میرے دل کواُف‘کی وڈیو جاری

جیو نیوز - ممبئی…این جی ٹی…وشال بھردواج کی فلم کمینے سے مقبول ہونے والی جوڑی شاہد کپور اور پریانکا چوپڑا ایک بار پھر ہدایت کار کنال کوہلی کی فلم ’تیری میری کہانی‘میں ساتھ نظر آئے گی۔تیری میری کہانی کے نئے گانے’جب سے میرے دل کو اُف‘ کی وڈیو جاری کردی گئی ہے جس میں شاہد اور پریانکا کو ایک ساتھ ڈانس کرتے دکھایا گیا ہے ۔60کی دہائی کے گیٹ اپ لیے شاہد اور پریانکا کے اس گانے میں بالی ووڈ کے لیجنڈری اداکاروں شمی کپور اور ممتاز بیگم کو ٹریبیوٹ پیش کررہے ہیں ۔ہدایتکار کنال کوہلی کی اس فلم کی کہانی تین مختلف شہروں میں بسنے والے تین رومانوی جوڑوں کے گردگھو متی ہے جبکہ دلچسپ بات یہ ہے کہ تینوں رو مانوی جو ڑوں کا کر دار پر یانکا اور شا ہد کپور ہی اداکررہے ہیں جس کیلئے انہیں مختلف گیٹ اپس تبدیل کرتے دکھایا گیا ہے۔ہدایتکار کنال کوہلی کی اس فلم کو انہوں نے خود سنیل لولا اور وکی بہری کیساتھ مل کر پروڈیوس کیا ہے جسکا میوزک معروف موسیقار جوڑی ساجد واجد نے ترتیب دیا ہے۔تین دوروں پر مشتمل یہ رومانٹک ڈرامہ فلم تیری میری کہانی22جون کو سینما گھروں کی زینت بنائی جائیگی۔