ہالی وڈ ، تھیم پارک میں ٹرانسفارمر دی رائیڈ تھری ڈی میں پیش

جیو نیوز - لاس اینجلس… ہالی وڈ اسٹوڈیو کے تھیم پارک میں ٹرانسفارمر دی رائیڈ تھری ڈی میں عام لوگوں کیلئے پیش کر دی گئی ہے۔ ہالی وڈ کی روبوٹ کیریکٹر پر مشتمل فلم ٹرانسفارمر نے باکس آفس پر سکہ جمانے کے بعد اب ہالی وڈ اسٹوڈیو کے تھیم پارک میں انٹری دی ہے، جہاں شائقین اپنے پسندیدہ فلمی کیریکٹر ز کی سواری سے لطف اٹھا سکیں گے۔ تھری ڈی ٹیکنالوجی کی وجہ سے اس پر سواری کرنیوالا خود کو اسی دنیا کا حصہ سمجھتا ہے۔ تھیم پارک کی انتظامیہ کا کہنا ہے کہ ٹرانسفارمر ز ان کے پارک کی ابھی تک کی سب سے اچھی سواری ہے جس کیلئے ساٹھ فٹ اونچی عمارتوں میں ساٹھ ہزار مربع فٹ اسٹیج اور دو ہزار فٹ ٹریک بنا یا گیا ہے۔ حقیقت کا رنگ بھرنے کیلئے اس گیم میں استعمال ہونیوالے ٹرانسفارمر روبوٹ کی آڈیو ریکارڈنگ اصلی فلم کے کرداروں سے کرائی گئیں ہیں۔