مجھے اداکارہ بنانے میں سلمان خان کا کمال ہے، سوناکشی

جیو نیوز - ممبئی… بلاک بسٹر فلم دبنگ سے بالی وڈ میں دبنگ انٹری دینے والی اداکارہ سوناکشی سنہا کا کہنا ہے کہ اداکارہ بننے میں ان کا کوئی کمال نہیں یہ صرف اور صرف سلمان خان کا کمال ہے۔اپنے ایک تازہ انٹرویو میں سوناکشی نے بتایا کہ انھوں نے فیشن ڈیزائننگ پڑھی اور فیشن ڈیزائنر ہی بننے والی تھیں کہ سلمان خان نے انھیں کہا کہ یہ سب چھوڑو اور اداکاری کی طرف آو،سوناکشی نے بتایا وہ خاصی موٹی تھیں اس لیے اداکارہ بننے کا سوچتی بھی نہیں تھیں لیکن سلمان خان نے ہی ان کی حوصلہ افزائی کی کہ وزن کم کرنے ، فٹ اور سلم ہونے میں بھی سلمان خان نے راغب کیا اور پھر انھیں دبنگ کی آفر آئی تو یہ ایسی آفر تھی جسے رد کرنا ممکن نہ تھا اور وہ اس میدان میں آہی گئیں، سوناکشی نے کہا کہ وہ آج اداکارہ ہیں تو یہ سب کچھ صرف اور صرف سلمان خان کی وجہ سے ممکن ہوپایا ہے۔جس پر وہ سلمان خان کی شکر گزار ہیں۔