فلم راؤڈی راٹھورمیں کرینہ کپور کی بطور آئٹم گرل اینٹری

جیو نیوز - ممبئی…این جی ٹی…بالی ووڈ فلم انڈسٹری میں دوستی اور دشمنی بہت معنی رکھتی ہے جسکی خاطر کوئی کسی کی فلم میں بلا معاوضہ آئٹم سونگ کرتا نظر آتا ہے تو کوئی مہمان اداکار کے روپ میں جلوہ گر ہوتا ہے۔اس سلسلے کی تازہ ترین مثال ہے بالی ووڈ کی بیبو کرینہ کپور کی جنہوں نے اکشے اور سوناکشی کی فلم "راؤڈی راٹھور کے گانےChinta Ta Taمیں بطور آئٹم گرل اینٹری دی ہے۔ اس گانے کے ایک حصے میں جہاں فلم کے ہیرو اکشے کمار ہدایتکار پربھو دیوا کیساتھ ڈانس کرتے نظرآرہے ہیں وہیں دوسرے حصے میں آئٹم گرل کرینہ انکا ساتھ دے رہی ہیں۔معروف کوریو گرافربھو دیوا کی بطور ہدایتکار دوسری ہندی فلم راؤڈی راٹھورمیں بالی ووڈ کے کھلاڑی اکشے کمار اور دبنگ گرل سوناکشی سنہا مرکزی کردار ادا کررہے ہیں جو یکم جون کو سینماگھروں کی زینت بنائی جائیگی۔