لیڈی گاگاکا جکارتہ میں ہونے والا کنسرٹ منسوخ

جیو نیوز - جکارتہ…انڈونیشیاء میں پاپ گلوکارہ لیڈی گاگا کا کانسٹرٹ نقص امن کے خدشے کی وجہ سے منسوخ کردیا گیا۔غیر ملکی خبر ایجنسی نے لیڈی گاگا کے کنسرٹ منتظمین کے حوالے سے بتایا کہ انڈونیشیاء میں لیڈی گاگا کے کنسرٹ کے حوالے سے مظاہرے کیے جارہے تھے۔مذہبی تنظیموں نے دھمکی دی تھی کہ اگر لیڈی گاگا نے کنسرٹ کے لیے انڈونیشیاء آنے کی کوشش کی تو صورتحال بے قابو ہوجائے گی۔جکارتہ پولیس نے بھی حالات کنٹرول کرنے کی ذمہ داری لینے سے انکار کردیا تھا۔