لاہور میں گائیکی کی ترویج کیلئے محفل موسیقی

جیو نیوز - لاہور ... لاہور میں گائیکی کی ترویج کیلئے موسیقی کی ایک محفل سجائی گئی جس میں نئے گلوکاروں نے آواز کا جادو جگایا۔لاہور آرٹس کونسل کے زیر اہتمام ہونے والے اس پروگرام کا مقصد فن گائیکی میں آنے والے نئے گلوکاروں کا اپنے فن کا اظہار کا موقع فراہم کرنا تھا۔ نوجوان فنکاروں نے گائیکی کی مختلف اصناف ٹھمری ، خیال ، غزل اور کافیاں پیش کرکے حاضرین کی داد وصول کی۔ غزل گائیک غلام علی کے شاگرد حبیب علی نے انکی گائی ہوئی غزلوں کو شاندار انداز میں پرفارم کیا۔ا سٹیج کی اداکارہ انجمن نے گلوکاری میں قدم رکھتے ہوئے اپنی آواز کے ذریعے ملکہ ترنم نور جہاں کو خراج تحسین پیش کیا۔