دبنگ گرل سوناکشی سنہا آئٹم سونگز پر پرفارم کرنے کیلئے تیار

جیو نیوز - ممبئی … بھارتی اداکارہ سوناکشی سنہا کا کہنا ہے کہ وہ آئٹم سونگز پر پرفارم کرنے کو تیار ہیں، لیکن ان کی شرط یہ ہے کہ روایتی انداز سے ہٹ کر انہیں کوئی آئٹم نمبر آفر کیا جائے۔ دبنگ گرل سوناکشی سنہا کا کہنا ہے کہ آئٹم نمبر گانوں پر پرفارم کرنا کسی بھی ایکٹریس کیلئے باعث فخر بات ہے کیونکہ صرف ٹاپ ایکٹریسز کو ان گانوں کیلئے چنا جاتا ہے لیکن اس سلسلے میں اگر انہیں کوئی آفر آئے تو ان کی شرطیں پوری ہونے پر ہی وہ اس میں کام کرنے پر راضی ہوں گی۔ اس سلسلے میں ان کی سب سے بڑی شرط ہے کہ آئٹم نمبر میں ان کا لباس مناسب ہونا چاہئے، ساتھ ہی اگر انہیں آفر کئے ہوئے گانے کے بول یا اس کی موسیقی بھی اگر انہیں پسند نہ آئے تو وہ اس میں کام نہیں کریں گی۔ اپنی آنے والی فلم راوٴڈی راٹھور میں وہ ایک ڈانس سونگ میں بھی نظر آئیں گی لیکن ان کا کہنا ہے کہ چھمک چھلو چھیل چھبیلی ایک آئٹم گانا نہیں ہے کیونکہ یہ ایسے گانوں کے برعکس سیچویشن کی مناسبت سے فلم میں شامل کیا گیا ہے اور پھر اس میں ہیروئن ہی پرفارم کر رہی ہے۔