دوسری جنگ عظیم کے واقعے پر مبنی فلم’دی امیٹیشن گیم‘کا نیا ٹریلر

جیو نیوز - لاس اینجلس ......دوسری جنگ عظیم کے سچے واقعے پر مبنی برٹش ڈرامہ فلم دی امیٹیشن گیم کا نیا ٹریلر جاری کردیا گیا ہے۔مارٹن ٹائلڈم کی ہدایت کاری میں بننے والی اس فلم کی کہانی دوسری جنگ عظیم کے اہم کردار اور بابائے کمپیوٹر سائنس کا اعزاز حاصل کرنے والے سائنسدان ایلن ماتھیسن کے گرد گھومتی ہے جس نے نازی پارٹی کے خلاف بننے والے اتحاد کو فنی مدد فراہم کی تھی۔فلم میں ایلن ماتھیسن کا کردار بینیڈک کمبر بیچ نبھاتے دکھائی دینگے جبکہ دیگر فنکاروں میں کیرانائٹ لے،مارک اسٹرانگ،میتھیو گوڈ اور چارلس ڈانس سمیت دیگر شامل ہیں۔نورا گراس مین کی پروڈکشن میں بننے والی اس فلم کی تقسیم کاری کے حقوق سات ملین ڈالر کی ریکارڈ قیمت پر فروخت کئے گئے ہیں جبکہ یہ فلم 21نومبر کو سینما گھروں میں نمائش کیلئے پیش کی جائے گی۔