فلم” پی کے“ دنیا بھر میں 300 کروڑ کمانے والی پہلی فلم بن گئی

جیو نیوز - ممبئی......بالی ووڈ میں اپنے کردار میں ڈھل جانے کے حوالے سے مشہور مسٹر پر فیکشنسٹ عامر خان کی بلاک بسٹر فلم” پی کے“ بیرون ملک 300 کروڑ کمانے والی پہلی بھارتی فلم بن گئی۔

”پی کے“ اپنی ریلیز کے بعد سے اب تک کئی ریکارڈ اپنے نام کر چکی ہے جبکہ اس کی مسلسل کامیابیوں کا سفراب بھی جاری ہے۔فلم نے بھارت میں باکس آفس پر دھوم مچاتے ہوئے 348 کروڑ کا بزنس کیا اور بھارت میں سب سے زیادہ کمائی کرنے والی فلم کا اعزاز حاصل کیا۔

فلم بین الاقوامی سطح پر چین، جنوبی کوریا اور آسٹریلیا سمیت متعدد ممالک میں ریلیز کی گئی جس نے بیرون ممالک میں بھی دھوم مچاتے ہوئے 300 کروڑ سے زائد کا بزنس کرکے دنیا بھر میں سب سے زیادہ کمائی کرنے والی پہلی بھارتی فلم بن گئی ہے۔