ایشوریا رائے کی فلم’’ جذبہ‘‘ کے نئے گانے’’سین بنا‘‘ کی ویڈیو جاری

جیو نیوز - ممبئی...... با لی وڈ کے شہنشاہ امیتابھ بچن کی بہو اور سابقہ مس ورلڈ ایشوریارائے بچن کی ایکشن فلم’’ جذبہ‘‘ کے ٹریلرکے بعد اس کے نئے گانے ’’سین بنا‘‘کی مکمل ویڈیو مداحوں کیلئے ریلیز کر دی گئی ہے۔

ہدایت کار سنجے گپتا کی ڈائریکشن میں بننے والی اس فلم میں ایشوریا مرکزی کر دار اد کررہی ہیں۔اس فلم میں ایشوریا کے مدِ مقابل عرفان خان کو کاسٹ کیا گیا ہے ۔

ایکشن سے بھر پور با لی ووڈ کی یہ فلم جنوبی کو ریا کی سال 2007 میں ریلیز کی گئی فلم Seven Days کا ری میک ہے ۔ایشوریا اور عرفان خان کے علا وہ اس فلم کی مر کزی کاسٹ میں شبا نہ اعظمی بھی نظر آئیں گی۔

ایکشن اور سسپنس سے بھر پور اس فلم کو 9اکتوبر کو عام نمائش کیلئے پیش کر دیا جائے گا۔