3 مئی 2016
وقت اشاعت: 1:57
کاجول اور ایشوریا ایک ساتھ فلم میں جلوہ گر ہونے کو تیار
جیو نیوز - ممبئی .........بالی ووڈ کی مشہور اداکارہ کاجول اور ایشوریا رائے ایک ساتھ بالی ووڈ کی نئی فلم’اے دل ہے مشکل‘میں جلوہ گر ہونے کو تیار ہیں۔
میڈیا رپورٹس کے مطابق اس فلم میں رنبیر کپور اور انوشکا شرما بھی مرکزی کردار میں ہونگے ۔تاہم کرن جوہر نے اداکاروں کی ایک لمبی فہرست مختصر کرداروں کے لیے منتخب کرلی ہے۔
واضح رہے کہ اس فلم میں پاکستانی اداکار فواد خان اور عمران عباس بھی اداکاری کے جوہر دکھاتے نظر آئیں گے، دوسری جانب ایک رپورٹ کے مطابق سیف علی خان کو بھی فلم میں ایشوریا کے شوہر کے کردار کے لیے کاسٹ کرلیا گیا ہے۔
فلم ’اے دل ہے مشکل‘ رواں سال 28 اکتوبر کو سینما گھروں میں نمائش کے لیے پیش کی جائے گی۔
