عدلیہ دہشتگردوں کیخلاف زمینی حقائق کے مطابق فیصلے نہیں کررہی، بشیر بلور

جنگ نیوز - خیبر پختونخوا کے سینئر وزیر بشیر احمد بلور نے کہا ہے کہ بدقسمتی ہے کہ عدلیہ دہشت گردوں کے خلاف مقدمات کے فیصلے زمینی حقائق دیکھ کر نہیں کررہی ہے ۔جیونیوز سے گفتگو میں بشیر احمد بلور نے کہا کہ فوج اور عوام نے دہشتگردی کے خلاف جنگ میں بے پناہ قربانیاں دی ہیں۔ تاہم بدقسمتی ہے کہ عدلیہ دہشتگردوں کے خلاف فیصلے زمینی حقائق دیکھ کرنہیں کررہی ہے۔ ان کا کہنا تھا کہ عدلیہ کو فیصلے دیتے وقت قانون کی کتاب کے ساتھ ساتھ زمینی حقائق بھی دیکھنے چاہیں۔بشیر احمد بلور نے کہا کہ ایسے فیصلے نہیں کرنے چاہیے جس سے دہشت گرد باہر آکر دوبارہ دہشت گردی کریں۔