کبھی مولا حضور دعاؤں میں

دعا دعا وہ چہرہ
حیا حیا وہ آنکھیں
صباء صباء وہ زلفیں

چلے لہو گردش میں
رہے آنکھ میں دل میں
بسے میرے خوابوں میں
جلے اکیلے پن میں
ملے ہر اک محفل میں

دعا دعا وہ چہرہ . . .

کبھی کسی چلمن کے پیچھے
کبھی درخت کے نیچے
کبھی وہ ہاتھ پکڑتے
کبھی ہوا سے ڈرتے
کبھی وہ بارش اندر
کبھی وہ موج سمندر
کبھی وہ سورج ڈھلتے
کبھی وہ چاند نکلتے
کبھی خیال کی رُو میں
کبھی چراغ کی لو میں

دعا دعا وہ چہرہ . . .

کبھی بال سکھائے آنگن میں
کبھی مانگ نکالے درپن میں
کبھی چلے پون کے پاؤں میں
کبھی ہنسے دھوپ میں چھاؤں میں
کبھی پاگل پاگل نینوں میں
کبھی سجا ہوا آئینے میں
کبھی دعا بنا وہ زینے میں
کبھی اپنے آپ سے جنگوں میں
کبھی جیون موج ترنگوں میں
کبھی نغمہ نور فضاؤں میں
کبھی مولا حضور دعاؤں میں
کبھی رکے ہوئے کسی لمحے میں
کبھی دکھے ہوئے کسی چہرے میں

وہی چہرہ بولتا رہتا ہوں
وہی آنکھیں سوچتا رہتا ہوں
وہی چہرہ دیکھتا رہتا ہوں