دنیا کا سب سے چھوٹا پرندہ

دنیا کا سب سے چھوٹا پرندہ کیوبا کے جنگلوں میں پایا جاتا ہے یہ پرندہ بہت ہی نایاب ہے اس کا وزن تقریباً دو گرام ہے اسے ہمینگ دے برڈ کے نام سے پکارا جاتا ہے اس کو پہلی نظر دیکھنے سے یوں معلوم ہوتا ہے کہ شاید کوئی چھوٹا سا کیڑا یا کوئی شہد کی مکھی ہے جو پھولوں کے ارد گرد منڈلاتی پھر رہی ہے یہ پرندہ ایک سیکنڈ میں اسی مرتبہ پر ہلاتا ہے۔ اس کی لمبائی فقط دو انچ ہے مادہ پرندے کی لمبائی نر سے آدھی انچ کم ہے یہ عام طور پر جمیکا اور ہنپولیا کے جزیروں میں بھی پایا جاتا ہے ہمینگ برڈ عام طور پر تنہا ہی پرواز کرتا ہے۔ ہمینگ پرندے عام طور پر ایک ہی جگہ رہتے ہیں اور ٹھکانوں سے باہر نہیں نکلتے اکثر ان کی جنگ دوسرے قسم کے ہمینگ پرندوں سے رہتی ہے یہ بہت جنگ جو نسل سمجھی جاتی ہے اس لیے انہیں جنگ کے دیوتا کا نام دیا گیا ہے اور اگر نر کو یہ خبر ہو جائے کہ مادہ اس کی مخصوص شاخ پر بیٹھی ہے تو وہ فوراً اس سے جنگ کرنے کے لیے تیار ہو جاتا ہے۔ ان کا گھونسلا چائے کی ایک چھوٹی سی پیالی سے بڑا نہیں ہوتا۔ ان کے انڈوں کا سائز ایک کافی بین کے برابر ہوتا ہے حالانکہ یہ ایک بہت ہی ننھا سا پرندہ ہے۔ مگر قدرت نے ان کے سسٹم کو کچھ ایسا بنایا ہے کہ کھاتے زیادہ ہیں یہ دیکھ کر بہت حیرات ہوتی ہے کہ اتنا ننھا سا پرندہ اتنا زیادہ کیسے کھا لیتا ہے یہ زیادہ تر شہد کی مکھیاں، مکڑے اور دوسرے چھوٹے موٹے کیڑے مکوڑے کھاتا ہے۔ اس کی فائدہ مند غذا اسے لال پھولوں سے حاصل ہوتی ہے ان پھولوں میں سے انہیں شہد کی غذا حاصل ہوتی ہے۔