گدگدی کا مزا

ایک موٹر سائیکل سوار ڈیوڈ گرین کو شرارت کی بھاری قیمت ادا کرنی پڑی اور وہ زخموں سے چور ہو کر ہسپتال میں پہنچ گیا واقعات کے مطابق گرین کو کیلی فورنیا کی ایک سڑک پر موٹر سائیکل پر جاتے ہوئے ایک کار نظر آئی جس میں پچھلی نشست پر ایک شخص اپنے پاؤں کھڑکی سے باہر نکالے ہوئے بیٹھا تھا گرین کو یہ دیکھ کر شرارت سوجھی اور اس نے موٹر سائیکل کار کے قریب لے جا کر اس شخص کے پاؤں پر گدگدی کرنے کی کوشش کی لیکن سامنے سے آتی ہوئی ایک تیز رفتار کار سے ٹکرا گیا اور زخموں سے چور ہوکر ہسپتال میں پہنچ گیا۔