فیصل آباد میں فائرنگ، دو افراد ہلاک، تین زخمی

اے آر وائی - فیصل آباد : فیصل آباد میں نورپور کے رہائشی رانا اذکار شفقت اور اس کے ساتھی کو فائرنگ کرکے ہلاک کردیا گیا۔ تین افراد زخمی ہوگئے جوابی فائرنگ سے حملہ آوروں کے ساتھی زخمی ہوگئے جنہیں وہ اٹھاکر لے گئے۔



حملے میں زخمی ہونے والوں خالد ، ایاز اور عباس کو الائیڈ ہسپتال میں طبی امداد دی جا رہی ہے ۔ ان میں سے دو کی حالت تشویش ناک بتائی جاتی ہے ۔ حملہ آور دس منٹ تک فائرنگ کرتے رہے ۔ پولیس واقعہ کے نصف گھنٹہ بعد جائے وقوعہ پر پہنچی ۔