چلی اوپن ٹینس، رافیل نڈال سیمی فائنل میں پہنچ گئے

اے آر وائی - سابق عالمی نمبر ایک اسپین کے رافیل نڈال فتوحات کے سلسلے کو برقرار رکھتے ہوئے چلی اوپن ٹینس ٹورنامنٹ کے سیمی فائنل میں پہنچ گئے ہیں۔ چلی کے شہر وینا ڈیل مار میں کھیلے جارہے اے ٹی پی ٹینس ٹورنامنٹ میں کلے کورٹ کنگ رافیل نڈال نے اپنے تیسرے مقابلے میں ہم وطن حریف ڈینیئل گیمینو کو اسٹریٹ سیٹس سے شکست دی۔



پہلے سیٹ میں نڈال نے حریف کھلاڑی کیخلاف چھ ایک سے کامیابی حاصل کی۔ دوسرے سیٹ میں ڈینیئل نے کم بیک کرتے ہوئے چار گیمز جیتے لیکن بقیہ دو سیٹس میں وہ بے ہمت ہار گئے اور ہسپانوی ٹینس اسٹار نے چھ چار سے فتح سمیٹی۔ رافیل نڈال سات ماہ کے وقفے بعد پہلا ٹورنامنٹ کھیل رہے ہیں۔ وہ گھٹنے کی انجری کے باعث انٹرنیشنل سرکٹ سے باہر تھے۔