آسٹریلین ٹیم کوپاکستان میں کھیلتا دیکھنا چاہتا ہوں،آسٹریلوی ہائی کمشنر

جیو نیوز - اسلام آباد… آسٹریلیا کے ہائی کمشنر پیٹر ہیو ورڈ نے خواہش ظاہر کی ہے کہ وہ اسلام آباد میں اپنے سفارت کاری کے دور میں ہی آسٹریلین کرکٹ ٹیم کو پاکستان میں کھیلتا دیکھیں۔ پاکستان کی معذور افراد کی کرکٹ ٹیم کے تربیتی کیمپ کے دورہ کے موقع پر جیو نیوز سے گفتگو کرتے ہوئے آسٹریلین ہائی کمشنر پیٹر ہیو ورڈ نے کہا کہ وہ آسٹریلین کرکٹ ٹیم کو پاکستان میں کھیلتا دیکھنا چاہتے ہیں، تاہم اس حوالے سے فیصلے کا اختیار انہیں یا حکومت کو نہیں ، آسٹریلین کرکٹ ایسوسی ایشن کو ہے۔