10نکات پر عمل نہ ہوا توپنجاب میں پی پی کو خیر باد کہہ دینگے، رانا ثنااللہ

جنگ نیوز -
لاہور…پنجاب کے وزیر قانون رانا ثنا اللہ نے گورنر پنجاب لطیف کھوسہ سے ملاقات کی، ان کا کہنا ہے کہ سینئر وزیر راجہ ریاض نے اپنے نکات خود بھی نہیں پڑھے اور صرف کارکردگی دکھانے اور نواز شریف کے نکات کے جواب میں ایسا کیا ہے۔ لاہور میں گورنر لطیف کھوسہ سے ملاقات کے بعد میڈیا سے گفتگو میں رانا ثنا اللہ کا کہنا تھا کہ ملاقات شیڈولڈ تھی،اس میں راجہ ریاض کے نکات پر کوئی بات نہیں ہوئی ،مل کر چلنے پراتفاق ہوا ہے۔ ان کا کہنا تھا کہ نواز شریف کے ایجنڈے پر عمل نہ ہوا تو پنجاب میں پیپلز پارٹی کو خدا حافظ کہہ دیا جائیگا۔ ان کا کہنا تھا کہ ریمنڈ کیس میں انصاف کے تقاضے پورے کرینگے جن کی امریکا بھی داد دیگا۔ رانا ثنااللہ نے یونیفکیشن گروپ کی تشکیل اورکوآئینی طور پر درست قراردیا۔گورنر کے میڈیا ایڈوائزر منور انجم کا کہنا تھا کہ رانا ثنا اللہ نے گورنر کو بیٹی کی شادی کا دعوت نامہ دیا۔