Karachi : mumkina tufaan kay paish e nazar mutaliqa idaron mein emergency nafiz

اے آر وائی -

Karachi mein mumkina samandari tufaan kay paish e nazar hifazati iqdamaat kay tour par shehri hukoomat sameit tamam mutaliqa idaron mein emergency nafiz kar di gayi hai jabkay afsaraan sameit tamam amlay ki chuttiyan mansookh karkay dution par rehnay ki Hidayat kar di gayi hai.

Aministrator Karachi Mohammad Hussain Sayyad ki zair e sadarat ijlaas mein kise mumkina emergency mein imdadi karwaiyon ko fori shuru karnay ke liye DCO camp office mein emergency control, information center qaim kardiya hai jabkay e d o municiple services masood aalam ko fokel person muqarrar kar diya gaya.

Ijlaas mein Pakistan navy, rangers, coastguard, KPT, KESC aur deegar idaron kay numaindon ne shirkat ki. administrator Karachi ne sahili ilaqon kay town administrator ko hungami plan tayyar karnay ki Hidayat bhi ki. doosri janib town administrator kay mutabiq Bin Qasim aur Gadap town mein tamam hifazati intizamaa mukammal karliye gaye hain.