آزاد کشمیر انتخابات:ایل اے سترہ پونچھ ون میں پولنگ

اے آر وائی - پونچھ : آزاد کشمیر قانون ساز اسمبلی کے حلقے ایل اے سترہ پونچھ ون میں پولنگ جاری ہے۔ حلقے میں رجسٹرڈ ووٹرز کی تعداد چہیتر ہزار تین سو تیرانوے ہے ۔ حلقے میں ایک سو ستاون پولنگ اسٹیشنز قائم کئے گئے ہیں ۔ جس میں سو پولنگ اسٹیشنز کو حساس قراردیاگیاہے ۔



پولنگ بغیر کسی وقفے کے شام پانچ بجے تک جاری رہےگی ۔ چھبیس جون کو ہونے والے عام انتخابات امن وامان کی خراب صورتحال کی وجہ سے ملتوی کئے گئے تھے ۔ انتخابات کے موقع پر مقامی سطح پر عام تعطیل ہے۔