لودھراں : بجلی کے ستائے بپھر گئے، واپڈا آفس کا گھیراؤ

اے آر وائی - لودھراں میں بجلی کو طویل ترین لوڈ شیڈنگ اور ٹیوب ویل صارفین کو زائد بلنگ کیخلاف احتجاجی مظاہرہ کیا گیا۔ مظاہرین نے واپڈا آفس کا گھیراؤ کرلیا۔ دوران احتجاج مظاہرین نے نعرے بازی کی۔ مظاہرین کے مطابق ٹیوب ویل صارفین کو اضافی یونٹس ڈال کر زائد بل بھیجے جارہے ہیں اور سنگین نتائج کی دھمکیاں دے کر بل ادا کرنے کیلئے مجبور کیا جارہا ہے۔



مظاہرین نے مطالبہ کیا کہ صرف استعمال شدہ یونٹس کے مطابق بل بھیجا جائے اور غیر اعلانیہ لوڈ شیڈنگ کا خاتمہ کیا جائے۔