فلم "بیفور آئی گو ٹو سلیپ"کا ٹریلر جاری

جیو نیوز - نیویارک....این جی ٹی.....صفِ اول کی ہالی وڈ اداکارہ نکول کڈمین اور اداکار کولن فرتھ کی تھرل سے بھرپور نئی مسٹری فلم"بیفور آئی گو ٹو سلیپ"کا ٹریلر ریلیز کر دیا گیا۔سنسنی سے بھرپور یہ فلم معروف انگلش رائٹر ایس جے واٹسن کے مشہور ناول سے ماخوذ ہے جسے رووان جوفی نے ڈائریکٹ کیا ہے جبکہ اہم کرداروں میں نکول کڈمین اور کولن فرتھ کے علاوہ مارک اسٹرونگ، اینی میری ڈف اور چارلی گارڈنر شامل ہیں۔ایوی لرنر، ایوا مارشل اورمارک گِل کی مشترکہ پروڈیوس کردہ اس فلم کی کہانی ماضی میں تکلیف دہ حادثے کا شکار ایک ایسی خاتون پر مبنی ہے جو صدمے کے نتیجے میں کچھ بھی یاد رکھنے سے قابل نہیں رہتی تاہم غیر شعوری طور پر کچھ واقعات یاد آنے پر خطرناک نفسیاتی کیفیت کا شکار ہو جاتی ہے۔سنسنی خیز مناظر کی عکاسی کرتی اس تھرلنگ فلم کو 12ستمبر کو سنیما گھروں میں نمائش کیلئے پیش کر دیا جائے گا۔